Sanly ykdysadyýet döwrüň talaby
Dünýäniň ähli döwletlerinde bolşy ýaly, biziň ýurdumyzyň hem kuwwaty ylymdyr. Ylym - öňegidişlikleriň, täze açyşlaryň açary bolup durýar. Hormatly
Prezidentimiziň parasatly baştutanlygynda Diýarymyzy ähli taraplaýyn ösdürmek, dünýäniň iň täze gazananlaryny durmuşa ornaşdyrmak, sanly
ykdysadyýeti ösdürmek boýunça beýik işler alnyp barylýar. Şol işleriň
özeninde bolsa hormatly Prezidentimiziň ylmy taýdan esaslandyrylan, çuňňur paýhasa eýlenen parasatly syýasaty bar.
Türkmenistanyň hormatly Prezidentiniň 2018 ýylyň 30-njy noýabrynda çykaran Karary bilen "Türkmenistanda 2019-2025 ýyllarda sanly ykdysadyýeti ösdürmegiň Konsepsiýasy“ tassyklanyldy. Bu resminama 7-i bölümi öz içine alyp, olarda maglumat-kommunikasiýa tehnologiýalarynyň ulgamy, konsepsiýanyň maksatlary hem-de wezipeleri, ony durmuşa geçirmegiň ugurlary kesgitlenen.
Konsepsiýany üç tapgyrda durmuşa geçirmek niýetlenen:
birinji tapgyryň dowamynda sanly ykdysadyýeti ösdürmek boýunça ygtyýarly edaralary kesgitlemek, sanly ykdysadyýeti ösdürmek bilen bagly wezipeleri amala aşyrmak boýunça pudagara topary döretmek, ýurdumyzda sanly ykdysadyýeti ösdürmegiň Döwlet maksatnamasynyň we ony amala aşyrmagyň çäreleriniň meýilnamasyny tassyklamak;
ikinji tapgyrda ýurdumyzda döwrebap maglumat - aragatnaşyk tehnologiýalaryny giňden ornaşdyrmak işe girizmek we onuň sazlaşykly işlemegini ýola goýmak, maglumat howpsuzlygyny üpjün etmek, şeýle hem maglumat üpjünçilik ulgamyny ösdürmek bellenilýär;
üçünji tapgyrda bolsa ýurdumyzyň ykdysadyýetiniň dürli pudaklarynda sanly intellektual tehnologiýalarynyň we usullarynyň kämilleşdirilmegini we ornaşdyrylmagyny dowam etdirmek, ýurdumyzda sanly ykdysadyýete geçmekde we ornaşdyrylmagyny dowam etdirmek, ýurdumyzda sanly ykdysadyýete geçmekde we ony ösdürmekde gazanylan oňyn tejribeleriň esasynda has netijeli taslamalaryň ornaşdyrylmagyny giňden ýaýbaňlandyrmak bilen bagly wezipeler öňe sürülýär.
Häzirki döwürde Konsepsiýa laýyklykda sanly ykdysadyýete tapgyrlaýyn geçmek üçin uly işler alynyp barylýar. Döwletiň dürli hyzmatlary sanly usulda internet ulgamyndan raýatlara hödürlenýär. Her bir döwlet internet ulgamynda özüniň hyzmatlarynyň resmi sahypasyny döredýär. Sebäbi sanly hyzmatlary halka hödürlemegiň esasy usuly internet ulgamynyň mümkinçiliklerinden giňden peýdalanmakdyr.
Ylym - bilimiň ösdürilýän häzirki döwründe ýaşlarymyz milli terbiýede terbiýelenip, kämil hünärmenler bolup ýetişýärler. Häzirki döwürde ylmy- tehniki ösüşiň gazananlaryndan, dünýäde ylmyň soňky gazananlary esasynda
döredilen innowasiýalardan oňat baş çykarýan hünärmenleri taýýarlamak wezipelerinden ugur alyp, ýurdumyzda bu ugurlara düýpli işler ýola goýulýar.
Sanly ulgama geçmekde Türkmenistanda ýaşlaryň giň dünýägaraýyşly bolmagyna, milli terbiýede terbiýelenmegine aýratyn üns berilýär. Şonuň üçin hem häzirki döwürde ýaşlaryň bilim derejesini, dünýägaraýşyny
ýokarlandyrmak esasy ugurlaryň biri bolup durýar. Şunda sanly bilim bermegiň iň täze usullary işlenip düzülýär, ene dilimizi we daşary ýurt dillerini öwrenmek kämilleşdirilýär. Milli bilim ulgamynyň iň täze usullar bilen
baýlaşdyrylmagy bolsa, ylym-bilimiň döwür bilen deň gadam basýandygyny
aýdyň görkezýär.
Ýaşlaryň tehnologik ösüş bilen aýakdaş kämilleşip, döwrebap hünärleri ele almagy sanly bilimleri pugta özleşdirmegi, dünýäniň öňde baryjy tejribelerinden habarly bolmagy derwaýys wezipeleriniň üstünlikli ýerine ýetirilmegi döwleti durnukly ösüşe, kämillige gönükdirýär.
Ýurdumyzyň gelejegi bolan ýaşlarymyzyň eşretli durmuşy, zähmet we hünär bilen üpjünçiligi ugrunda beýik işleri amala aşyrýan hormatly Prezidentiniň jany sag, ömrü uzak bolsun!
Tagangulyýew Bekmyrat
Beki Seýtäkow adyndaky Mygallymçylyk Mekdebiniň mugallymy.
