Ýürek buýsanjy
— «Pähim-paýhas ummany Magtymguly Pyragy» ýyly meniň durmuşymda ýatdan çykmajak pursatlara baý ýyl boldy. Ajaýyp zamanada halal, ýadawsyz çeken zähmetiňe ýokary baha berilýär. Hemişelik Bitaraplygymyzyň 29 ýyllyk baýramçylygynyň öňüsyrasynda men «Magtymguly Pyragynyň 300 ýyllygyna» atly ýubileý medaly bilen sylaglandym. Munuň üçin begenjimiň, buýsanjymyň çägi ýok. Gahryman Arkadagymyzyň, Arkadagly Gahryman Serdarymyzyň taýsyz tagallalarynyň netijesinde Berkarar döwletiň täze eýýamynyň Galkynyşy döwründe ähli ulgamlary ösdürmek, ýokary taýýarlykly hünärmenleri ýetişdirmek ugrunda amala aşyrylýan beýik işler bagtyýar halkymyzy guwandyrýar. Bize ýaş nesli terbiýeläp ýetişdirmäge, hünärimizi kämilleşdirmäge giň mümkinçilikleri döredýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, beýik işleri rowaçlyklara beslensin!
Maýsagözel AMANGELDIÝEWA,
Beki Seýtäkow adyndaky Mugallymçylyk mekdebiniň mugallymy
