MAGRUPDAN-MAŞRYGA «Magtymgulynyň döredijiligi - umumadamzat mirasy» atly ylmy maslahatyndan täsirler
Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň taýsyz tagallalary netijesinde baý edebi mirasymyzyň düýpli öwrenilmegi we dünýä jar edilmegi giň gerime eýe bolýar. Hormatly Prezidentimiz: “Akyldar şahyrymyz Magtymgulynyň eserleri bu gün türkmen kalbynyň owazy bolup, dünýä ýaň salýar. Dana Pyragyny dünýä beren halkymyzyň mertebesi Ýer ýüzünde hemişe belentdir” diýip parasatly belleýär. Türkmen nusgawy şahyrynyň şanly senesi mynasybetli dünýä möçberinde çäreleri geçirilýär. Hususan-da, Magtymguly Pyragynyň adamzadyň altyn genji-hazynasyna öwrülen baý edebi mirasyny çuňňur öwrenmek we dünýä jar etmek maksady bilen Magtymgulynyň nazary düşen ýurtlara medeni iş saparlary guralýar. Yzygiderli guralýan çäreler nesil terbiýesinde uly ähmiýetli bolup, Magtymguly Pyragynyň döredijiligine belent sarpa hökmünde dabaralanýar. 15-nji maý güni Türkmenistanyň Bilim ministrligi we Magtymguly adyndaky Türkmen döwlet uniwersitetiniň “Medeni miras: geçmişden geljege” UNESCO kafedrasy tarapyndan guralan “Magtymguly Pyragynyň döredijiligi-umumadamzat mirasy” atly ylmy maslahata mekdebimiziň mugallymlary: Arazberdiýewa Şeker we Otuzowa Aýbölek uzak aralykdan onlaýn arkaly gatnaşdylar. Mugallymlar akyldar şahyrymyz Magtymguly Pyragynyň döredijiligi, onuň şygyrlarynyň terbiýeçilik ähmiýeti we şahyryň döredijiligini dünýä ýaýmakda edilýän işler dogrusynda täsirli çykyş etdiler. Magtymguly Pyragynyň döredijiligini ýaýmakda geçirilen ylmy maslahat uly ähmiýete eýe boldy.
Nesilleriň buýsanjyna öwrülen Magtymguly Pyragynyň baý edebi mirasyny çuňňur öwrenmäge we dünýäde giňden wagyz etmäge giň mümkinçilikleri döredýän Gahryman Arkadagymyzyň, Arkadagly Gahryman Serdarymyzyň tagallary bilen milli şahyrymyzyň owazasy Magrupdan-Maşryga dünýä künjünde has belentden ýaňlanýar!
Arazberdiýewa Şeker, Otuzowa Aýbölek.
Beki Seýtäkow adyndaky Mugallymçylyk mekdebiniň mugallymlary
