MAGTYMGULY SEN
Sözüň – adamzadyň hazyna-genji,
Dana şahyr Magtymguly Pyragy.
Bu gün toýuň toýlar dünýäň çar künji,
Dana şahyr Magtymguly Pyragy.
Asyrlary aşan sözüň şuglazar,
Şygryýetiň – bossan, goýny lälezar,
Umman deý pähmiňe dünýä intizar,
Dana şahyr Magtymguly Pyragy.
Geldi çoh garaşan ajap eýýamyň,
Joşgunly möwji bar paýhas ummanyň,
Arasynda zemin bilen asmanyň –
Beýik şahyr Magtymguly Pyragy.
Şygyrlaňda hak sözüňi söýlediň,
Köňül kelamyňy sena eýlediň,
Arkadag gurdurdy ajap heýkeliň,
Dana şahyr Magtymguly Pyragy.
Ogulnur ANNAMURADOWA,
Beki Seýtäkow adyndaky Mugallymçylyk mekdebiniň talyby,
TMÝG-niň işjeň agzasy.
