GARAŞSYZLYGYŇ ŞUGLASY TALYP ÝAŞLARYŇ DILLERINDE
Mukaddes ata Watan, ene toprak-türkmen halkynyň köňül köşgüniň ruhy sütünidir, Döwlet Garaşsyzlygymyz bolsa başymyzyň tylla täjidir. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Hormatly Prezidentimiz Arkadagly Gahryman Serdarymyzyň tagallasy bilen ýurdumyz beýik ösüşlere beslenýär. Mukaddes Garaşsyzlyk türkmen halkyna uly bagt getirdi. Döwletimiziň halkara derejesindäki abraý-mertebesini belende göterdi. Il-ulusymyz mukaddes Garaşsyzlygymyza ruhumyz bilen guwanýar, watansöýüjilik bilen buýsanýar, erkanalyk ylhamy joşup, ony diliniň senasyna öwrüp, belentden- belent wasp edýär.
Garaşsyzlyk ata-babalarymyzyň özbaşdak döwletli bolmak baradaky arzuwlaryň amala aşmagyna köp asyrlyk milli we ruhy gymmatlyklarymyzy, şeýle hem arzyly ynsanperwer däplerimizi dikeltmäge mümkinçilik berdi. Garaşsyzlyk dünýä meşhur, görnükli akyldar şahyrymyz Magtymguly Pyragy:” Berkarar döwlet istärin” diýip, arzuw eden ajaýyp zamanasydyr.
2024-nji ýylyň 20-nji sentýabrynda mekdebimizde geçirilen “GARAŞSYZLYK - BAKY BAGTYŇ GÖZBAŞY” atly aýdym-sazly dabaranyň dowamynda ýaňlanan aýdym-sazlar, ýerine ýetirilen çykyşlar hem Gahryman Arkadagymyzyň hem-de Arkadagly Gahryman Serdarymyzyň saýasynda bilim-terbiýe alýan talyp ýaşlaryň özleri hakda edilýän Atalyk aladalaryna alkyşlary bolup ýaňlandy. Çäräniň dowamynda ýerine ýetirilen “Arkadagly Gahryman Serdar bilen”, “Arkadagly Serdarymyz”, “Watanym” ýaly aýdymlar dabaranyň şowhunyna söwhun goşdy.
Toý-baýramlary goşa-goşadan gelýän şeýle bagtyýar zamanada ýurdumyzy hemmetaraplaýyn gülledip ösdürmek babatda uly tagallalar edýän Milli Liderimiz Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, döwletli başlangyçlary rowaç bolsun!
Garaşsyzlyk baýramyňyz gutly-mübärek bolsun!
Maksuda Töräýewa,
Beki Seýtäkow adyndaky Mugallymçylyk mekdebiniň mugallymy.
