Limon: saglyga peýdaly, gadymy miwe
Limonyň asyl watany Hindistan hasaplanyp, käbir ýurtlarda “hindi almasy” diýlip atlandyrylýar. Bu miwe adamzat tarapyndan üç müň ýyl mundan ozal saglyga peýdalydygy üçin ulanylypdyr. Gadymy Müsürde limon şiresi sarymsak bilen garylyp, bedeniň güýjüni artdyrmak, immuniteti güýçlendirmek we zeperlenmeden goramak üçin içilipdir. Grekler limona “altyn alma” diýip, uzak ýaşamaga we saglyk saklamaga kömek edýändigine ynanypdyrlar.
Limon XI asyrda Hytaýda dermanlyk maksatly ulanylyp başlanypdyr. C witamini köpdügi üçin limon garamükür keseliniň öňüni almakda peýdalanylypdyr. Şeýle hem limon immuniteti güýçlendirýär, agyr kesellerden goramakda we işe ukyplylygy artdyrmakda peýdaly. Limonly çaý üsgülewügi bejermekde, şeýle hem irden açkarnyna limonly suw içmek horlanmak isleýänlere maslahat berilýär. Häzirki wagtda dünýäde limon öndürmekde Hindistan we Meksika öňdeligi saklaýar. Limon agajy 30-40 ýyl ömür sürüp, her ýylda 300-e golaý miwe berýär.
Mähri Orazowa
Beki Seýtäkow adyndaky Mugallymçylyk mekdebiniň 2-nji ýyl talyby.
Salgy : https://ahal.info
