Bilim ulgamynda innowasion tehnologiýalarynyň festiwaly
2024-nji ýylyň 13-nji dekabrynda Ýagşygeldi Kakaýew adyndaky Halkara nebit we gaz uniwersitetinde Türkmenistanyň Bilim ministrliginiň gurnamagynda Bilim ulgamynda innowasion tehnologiýalarynyň festiwaly geçirildi. Festiwalyň çäginde ýurdumyzyň bilim ulgamynyň hünärmenleriniň, mugallymlarynyň we talyp ýaşlarynyň gatnaşmagynda “Bilim ulgamynda innowasiýalar” atly ylmy-amaly maslahat hem öz işini dowam etdi. Bilim ulgamynda innowasion tehnologiýalarynyň festiwalyny geçirmegiň esasy maksatlary;
- bilim ulgamynda sanly tehnologiýalar bilen bagly gazanylan sepgitleri şöhlelendirmek,
- maglumat tehnologiýalary we kiberhowpsuzlyk bilen bagly mugallymlaryň we hünärmenleriň ylmy we taslama işlerine höweslerini artdyrmak,
- bilim ulgamyny sanlylaşdyrmak boýunça tejribeleri alyşmak we bilim işinde täze tehnologiýalaryň mümkinçiliklerinden peýdalanmak boýunça meseleleri ara alyp maslahatlaşmak.
Bilim ulgamynda innowasion tehnologiýalarynyň festiwalynyň çäginde Türkmenistanyň Bilim ministrligi tarapyndan yglan edilen Elektron okuw toplumlarynyň bäsleşiginiň ýeňijilerini sylaglamak dabarasy hem geçirildi.
Bäsleşigiň ýeňijileri
Gurbanow Gojuk Çaryýewiç, Myrat Garryýew adyndaky Türkmenistanyň Döwlet lukmançylyk uniwersitetiniň kliniki-ordinatory – 1orun
Muhammedow Didar Kerimgulyýewiç, Beki Seýtäkow adyndaky Mugallymçylyk mekdebiniň mugallymy – 1orun
Ýusubow Döwletgeldi Durdyýewiç, Türkmenistanyň Döwlet energetika institutynyň uly mugallymy – 2 orun
Maşaýewa Suraý Hojamgulyýewna, Türkmen döwlet medeniýet institutynyň uly mugallymy – 2 orun
Gylyjow Nurýagdy Garýagdyýewiç, Myrat Garryýew adyndaky Türkmenistanyň Döwlet lukmançylyk uniwersitetiniň öwreniji- mugallymy – 3 orun
Yhtyýarow Diýar Yhtyýarowiç, Seýitnazar Seýdi adyndaky Türkmen döwlet mugallymçylyk institutynyň öwreniji-mugallymy – 3 orun
Öwezgeldiýewa Ejegül Muhammetjumaýewna, Aba Annaýew adyndaky Halkara atçylyk akademiýasynyň uly mugallymy.
Şeýle hem festiwalyň çäginde ýurdumyzyň bilim ulgamynda sanly bilimi ösdürmekde goşan goşantlary üçin ýokary we orta hünär okuw mekdepleriniň mugallymlary, hünärmenleri we talyplary Türkmenistanyň Bilim ministrliginiň Hormat haty we sowgatlar bilen sylaglanyldy.
Salgy : https://education.gov.tm
