Beki Seýtäkow adyndaky Mugallymçylyk mekdebinde "Açyk gapylar" güni
Beki Seýtäkow adyndaky Mugallymçylyk mekdebi 2022-2023-nji okuw ýylynda okuwa girmek isleýän ýaşlary 2022-nji ýylyň 6-njy maýynda sagat 10:00-da geçiriljek "Açyk gapylar" gününe çagyrýar.
Dabara gatnaşyjylar Beki Seýtäkow adyndaky Mugallymçylyk mekdebiniň hünärmenleri taýýarlamak boýunça okuw maksatnamalary, okuw işiniň guralyşy, maddy-üpjünçilik binýady we Mugallymçylyk mekdebinde bilim almagyň aýratynlyklary bilen tanyşdyrylar.
Mekdebiň ýolbaşçy düzümi we mugallymlary bilen duşuşyklar geçiriler, açyk sapaklar, gezelençler, sergiler, zehin bäsleşikleri we başga-da birnäçe çäreler gurnalar.
Myhmanlara mekdebiniň bilim ulgamynda gazanan üstünlikleri barada maglumat berler, okuw otaglary, lingafon otaglary we kompýuter laboratoriýalary bilen tanyşdyrylar.
Geljekki dalaşgärler sport, ylmy we medeni gurnaklara gatnaşmak hem-de talyplaryň umumy ýaşaýyş jaýlary bilen tanyşmak arkaly talyplyk durmuşyna içgin aralaşmaga mümkinçilik alarlar.
Salgysy: Daşoguz şäheri, Alp Arslan köçesiniň 20-nji jaýy.
Habarlaşmak üçin telefonlar: 9-27-16; 9-37-15; 9-39-09
