Awtomatlaşdyrylan "Girelge" ulgamy
Berkarar döwletiň täze eýýamynyň Galkynyşy döwründe “Arkadag Serdarly bagtyýar ýaşlar ýylynda” ähli ugurlar bilen bir hatarda ýurdumyzda milli ykdysadyýetimizi diwersifikasiýalaşdyrmak, elektron sungatyny ösdürmek, maglumat-aragatnaşyk tehnologiýalarynyň iň soňky gazananlaryna esaslanýan ösen ykdysadyýeti kemala getirmek, innowasion, ýokary tehnologiýaly, bäsleşige ukyply sanly ykdysadyýeti ösdürmek boýunça netijeli işler amala aşyrylýar. Bu möhüm işlere hormatly Prezidentimiziň “Türkmenistanda 2019-2025-nji ýyllarda sanly ykdysadyýeti ösdürmegiň Konsepsiýasyny tassyklamak hakynda” kabul eden Karary badalga berdi.
Sanly ykdysadyýeti ösdürmegiň konsepsiýasynyň çäklerinde Türkmenistanda milli programma üpjünçiligini ösdürmek maksady bilen Beki Seýtäkow adyndaky Mugallymçylyk mekdebiniň informatika mugallymy D.Muhammedow tarapyndan ýazylan “GIRELGE” atly awtomatlaşdyrylan programma üpjünçiligi ýazylyp, 2020-nji ýyldan bäri hiç hili bökdençsiz işläp gelýär. Awtomatlaşdyrylan programmanyň adyndan belli bolşy ýaly, edara-kärhanalarynda işgärleriň işe gelen wagtyny, işden giden wagtlaryny hasaba alýar. Onuň üçin ýörite işgärleriň ellerinde edaranyň adyny, işgäriň adyny, familiýasyny, wezipesini görkezýän kartoçkalar bolup, her işgäriň öz belgili ştrih we QR-kodlar arkaly belgilenýär. Edaranyň girelge ýerinde bir monitor, ştrih we QR-kodlary okaýan enjam bolup, her işgär özüniň kartoçkasyny şoňa gözkezip geçýär. Awtomatlaşdyrylan programma bolsa şol işgäriň haçan gelendigini we haçan gidendini bellige alyp durýar. Maglumatlar edara-kärhanalaryň kimler görmäge rugsat berilýändigine bagly bolup durýar.
Biziň Mugallymçylyk mekdebimizde “GIRELGE” atly awtomatlaşdyrylan programma diňe mugallymlar we işgärler üçin bolman eýsem, talyplarda hem şonuň ýaly kartoçkalar bolup, ol Mugallymçylyk mekdebimiziň “Elektron žurnaly” bilen hem bagly. Eger-de, talyplar okuwa gelmedik ýagdaýynda “GIRELGE” awtomatlaşdyrylan programma öz kartoçkasy görkezilmedik bolsa, şol talybyň sapaga gatnaşmaýandygyny mugallymlar “Elektron žurnaly” açan badyna görkezýär. Netijede, sapaga gatnaşmadyk talyplaryň ata-enelerine “Altyn-asyr” öýjükli telefonlaryna hat üsti bilen oglunyň ýa gyzynyň mekdebe barmadygyny, sapaga gatnaşmaýandygy barada maglumatlar hat üsti bilen barýar.
Beki Seýtäkow adyndaky Mugallymçylyk mekdebi özüniň “GIRELGE” atly awtomatlaşdyrylan programmasyny paýlaşýandygyny habar berýär. Programmany almak üçin Beki Seýtäkow adyndaky Mugallymçylyk mekdebine hat üsti bilen edara-kärhanalaryň atlaryndan isleg bildirilýändigi görkezilmegi zerurdyr. Programma üçin maddy jogapkärçilik işlerini edara-kärhanalaryň özi çekip, ornaşdyrmaga, ulanmaga zerur bolan işler Mugallymçylyk mekdebiniň mugallymy D.Muhammedow tarapyndan kömek berilýär.
Biz ýaşlara okamaga, öwrenmäge, döredijilikli işlemäge we halal zähmet çekmäge şeýle ajaýyp döwürde ýaşamaga uly mümkinçilikleri döredip berýän hormatly Prezidentimize köp sag bolsun aýdýaryn. Goý, hormatly Prezidentimiziň jany sag, başy dik, tutýan tutumly işleri mundan beýläk hem rowaç alsyn!
Awtomatlaşdyrylan girelge ulgamyny öz okuw jaýyňyza ornaşdyrmak üçin Beki Seýtäkow adyndaky Mugallymçylyk mekdebi doly derejede ýardam bermäge taýýar. Awtomatlaşdyrylan girelge ulgamy Türkmenistanda milli programma üpjünçiligini ýakarlandyrmak maksady bilen mugt görnüşinde berilýär. Ulgamy özüňize almak üçin Mugallymçylyk mekdebine hat üsti bilen ýüzlenip bilersiňiz.
Habarlaşmak üçin : +993 (65) 80-74-60 Didar Muhammedow.
mail : bekiseytakowmm@sanly.tm; bekiseytakowmm@gmail.com
