Malaý edebiýaty
Malaýziýanyň edebiýaty, esasan, malaý, iňlis we hytaý dillerinde ýazylypdyr. Malaý nusgawy edebi eserleriniň köp böleginiň awtorlary bolsa, henize çenli näbelli. Bu ýurduň edebiýatyna hindi şadessanlary “Ramaýana” we “Mahabharata”, şeýle hem arap-pars edebiýaty uly täsirini ýetiripdir. Halk döredijiligi dürli ugurlary öz içine alyp, esasan, halk aýdymlaryndan, şorta sözlerden, nakyllardan, matallardan, atalar sözünden we beýlekilerden ybaratdyr. Malaý ýazuwynyň gadymy ýadygärlikleri VII asyra degişlidir. Has dogrusy, malaý edebiýatynyň ähli eserleriniň nusgalary diýen ýaly yslam aralaşandan soňra, arap grafikasynda ýazylypdyr.XIII – XVI asyrlarda malaý edebiýaty esasan, Sumatradaky Paseb knýazlygynda, XV asyrdan Malak soltanlygynda, 1511-nji ýyldan Johor soltanlygynda, XIX asyrdan Malak bogazyndaky Piau adajyklaryndaky Penengat soltanlygynda uly ösüş ýoluny geçýär. Malak soltanlarynyň edebi däpleri esasan, söz ussatlarynyň öz döwrüniň möhüm wakalaryny bütin aýdyňlygy bilen beýan etmegi bilen tapawutlanýar. Şol döwürden galan iň esasy eserleriň biri hem “Malaý urug taryhy” atly eser bolup, Malak soltanlygy döwründe ýazylypdyr. Bu eserde Malak soltanyň döwri, goňşy soltanlyklar bilen aragatnaşygy, yslamyň [...]
Dowamyny oka
